DATAlife foi un dos EDIHs seleccionados para participar nun evento de networking celebrado por Change2Twin. Este é un proxecto financiado con fondos europeos que axuda ás pemes manufactureiras a implementar xemelgos dixitais, cooperando cos Hubs de Innovación Dixitais e provedores de dita tecnoloxía.
Os días 16 e 17 de novembro atopabámonos en Rennes para participar nestas xornadas que nos levaron a explorar os últimos logros en xemelgos dixitais e as mellores prácticas para axudar ás pemes no seu camiño cara a dixitalización.
En concreto, tivemos a oportunidade de formar parte dun obradoiro adicado a explorar a colaboración entre as autoridades rexionais e os EDIHs/DIHs, centrándonos en como Change2Twin pode axudar a mellorar os resultados e fomentar a implementación da tecnoloxía de xemelgos dixitais dentro das pemes locais.
O principal obxectivo de Change2Twin é garantir que o 100% das empresas manufactureiras de Europa teñan acceso á totalidade das tecnoloxías necesarias para despregar un xemelgo dixital.
Para elo, o proxecto adoptará as mellores prácticas desenvoltas ata o de agora en Innovación para as pemes manufactureiras (I4MS) para axudalas nos seus esforzos de dixitalización, centrándose no apoio local prestado polos DIHs e mantendo as subvencións en cascada o máis accesibles posible.
